Félag gulrófnabænda opnar heimasíðu
Það er sannarlega heilsusamleg frétt frá Félagi gulrófnabænda þegar fréttist af nýrri heimasíðu félagsins www.rofa.is.
Þessi síða er eins og nafnið bendir til um rófuna vekja athygli á og viðhalda þeirri virðingu sem hún hefur. Bent er á að hin íslenska gulrófa er bæði frábært snakk, full af A og C vítamíni, fitusnauð og þar með grennandi góðmeti.
Heimasíðan er ný og á eftir að taka breytingum eins og gengur, en þarna inni má finna mikið af uppskriftum og krækjur inn á enn fleiri. Einnig má finna sögu rófunnar og næringagildi hennar.
Sumarlokun vegna framkvæmda
Í sumar verður Heilsustofnun NLFÍ (HNLFÍ) lokað í fjórar vikur, frá 6. júlí til 6. ágúst. Unnið verður að nauðsynlegum lagfæringum á 28 herbergjum á Gullströnd en sú álma var tekin í notkun árið 1975.
Árlega koma um 1800 dvalargestir í læknisfræðilega endurhæfingu á HNLFÍ og um 500 læknar senda okkur endurhæfingarbeiðni fyrir sína skjólstæðinga. Meðaldvalartími er fjórar vikur. Frá stofnun HNLFÍ árið 1955 hafa tugþúsundir Íslendinga fengið einstaklingsmiðaða endurhæfingu hér.
Nauðsynlegt er að loka stofnuninni í þessar fjórar vikur á meðan lagfæringar standa yfir. Lögð er áhersla á að upplýsa skjólstæðinga okkar, heimilislækna, sérfræðinga og aðra þá sem vísa á eða nýta sér þjónustu HNLFÍ, um þessa lokun. Við minnum á að beiðnir þurfa að berast sem fyrst vegna innlagna eftir 6. ágúst.
