_711_180.jpg)
Blómstrandi dagar í Hveragerði
Bæjar og fjölskylduhátíðin Blómstrandi dagar eru dagana 19.-22.ágúst 2010
Heilsustofnun verður með sölu á grænmeti, heilsubrauði og fleiru á Garðyrkjumarkaði við leikhúsplanið. Einnig verður almenningi boðið frítt í sund, laugardaginn 21.ágúst.
Matsalurinn er opinn að venju fyrir alla sem vilja koma við og fá sér hollt og gott að borða , verð á hádegismat er kr.1.350,- og er opið frá klr.11:45-13:45
Dagskrá um hátíðina má sjá nánar hér http://www.hveragerdi.is/pages/blomstrandidagar/dagskra2010/
Sumarlokun vegna framkvæmda
Í sumar verður Heilsustofnun NLFÍ (HNLFÍ) lokað í fjórar vikur, frá 6. júlí til 6. ágúst. Unnið verður að nauðsynlegum lagfæringum á 28 herbergjum á Gullströnd en sú álma var tekin í notkun árið 1975.
Árlega koma um 1800 dvalargestir í læknisfræðilega endurhæfingu á HNLFÍ og um 500 læknar senda okkur endurhæfingarbeiðni fyrir sína skjólstæðinga. Meðaldvalartími er fjórar vikur. Frá stofnun HNLFÍ árið 1955 hafa tugþúsundir Íslendinga fengið einstaklingsmiðaða endurhæfingu hér.
Nauðsynlegt er að loka stofnuninni í þessar fjórar vikur á meðan lagfæringar standa yfir. Lögð er áhersla á að upplýsa skjólstæðinga okkar, heimilislækna, sérfræðinga og aðra þá sem vísa á eða nýta sér þjónustu HNLFÍ, um þessa lokun. Við minnum á að beiðnir þurfa að berast sem fyrst vegna innlagna eftir 6. ágúst.
