Rekstur sumarhótels í húsakynnum Heilsustofnunar
_150_97.jpg)
www.hotspringshotel.is Í sumar verður rekið sumarhótel í tvo mánuði í húsakynnum Heilsustofnunar. Tímabilið sem um ræðir er frá 20.júní til 20.ágúst. Sérstakt rekstrarfélag er um reksturinn og er lögð áhersla á að ná til íslenskra og erlendra ferðamanna. Boðið er upp á ýmsa valkosti varðandi gistingu http://www.hotspringshotel.is/accomodation og einnig lögð áhersla á heilsutengda þjónustu varðandi meðferðir s.s. leirbað og nudd http://www.hotspringshotel.is/treatments. Baðhúsið býður einnig upp á góða aðstöðu með inni og útisundlaug, heitum pottum, sauna og vatnsgufu og víxlböð.
Nánari upplýsingar má finna á heimasíðunni www.hotspringshotel.is
Sumarlokun vegna framkvæmda
Í sumar verður Heilsustofnun NLFÍ (HNLFÍ) lokað í fjórar vikur, frá 6. júlí til 6. ágúst. Unnið verður að nauðsynlegum lagfæringum á 28 herbergjum á Gullströnd en sú álma var tekin í notkun árið 1975.
Árlega koma um 1800 dvalargestir í læknisfræðilega endurhæfingu á HNLFÍ og um 500 læknar senda okkur endurhæfingarbeiðni fyrir sína skjólstæðinga. Meðaldvalartími er fjórar vikur. Frá stofnun HNLFÍ árið 1955 hafa tugþúsundir Íslendinga fengið einstaklingsmiðaða endurhæfingu hér.
Nauðsynlegt er að loka stofnuninni í þessar fjórar vikur á meðan lagfæringar standa yfir. Lögð er áhersla á að upplýsa skjólstæðinga okkar, heimilislækna, sérfræðinga og aðra þá sem vísa á eða nýta sér þjónustu HNLFÍ, um þessa lokun. Við minnum á að beiðnir þurfa að berast sem fyrst vegna innlagna eftir 6. ágúst.
