_711_180.jpg)
Nýr þjónustusamningur til næstu 5 ára
Nýr samningur milli NLFÍ og SÍ til næstu 5 ára
Um s.l. áramót var undirritaður nýr þjónustusamningur milli Náttúrulækningafélags Íslands og Sjúkratrygginga Íslands um þverfaglega endurhæfingu fyrir sjúkratryggða einstaklinga. Samningurinn er til næstu 5 ára.
Breyttar áherslur – aukin þjónusta HNLFÍ
Við þá þverfaglegu endurhæfingu sem Heilsustofnun NLFÍ hefur unnið að á síðustu árum mun bætast við á samningstímanum þjónusta til þeirra einstaklinga sem þurfa þyngri endurhæfingu í kjölfar sjúkrahússvistar og/eða vegna tiltekinna sjúkdóma.
Áætlað er að nýjar áherslur samningsins verði innleiddar á komandi mánuðum og 1.september 2012 verður sú nýbreytni að fullu innleidd.
Aukin þjónusta til almennings verður kynnt á næstunni en ýmsir möguleikar eru í boði s.s. heilsudvöl í lengri og skemmri tíma auk lækningatengdrar ferðaþjónustu.
Þjónustusamninginn má skoða hér
Berum ábyrgð á eigin heilsu
Sumarlokun vegna framkvæmda
Í sumar verður Heilsustofnun NLFÍ (HNLFÍ) lokað í fjórar vikur, frá 6. júlí til 6. ágúst. Unnið verður að nauðsynlegum lagfæringum á 28 herbergjum á Gullströnd en sú álma var tekin í notkun árið 1975.
Árlega koma um 1800 dvalargestir í læknisfræðilega endurhæfingu á HNLFÍ og um 500 læknar senda okkur endurhæfingarbeiðni fyrir sína skjólstæðinga. Meðaldvalartími er fjórar vikur. Frá stofnun HNLFÍ árið 1955 hafa tugþúsundir Íslendinga fengið einstaklingsmiðaða endurhæfingu hér.
Nauðsynlegt er að loka stofnuninni í þessar fjórar vikur á meðan lagfæringar standa yfir. Lögð er áhersla á að upplýsa skjólstæðinga okkar, heimilislækna, sérfræðinga og aðra þá sem vísa á eða nýta sér þjónustu HNLFÍ, um þessa lokun. Við minnum á að beiðnir þurfa að berast sem fyrst vegna innlagna eftir 6. ágúst.
