Gigtarlína

Gigtarlína er ætluð þeim sem hafa gigtarsjúkdóma s.s. liðagigt, psoriasis gigt, hrygggikt og útbreidda slitgigt. Þeir þurfa að hafa getu til að taka þátt í meðferð í hóp og tileinkað sér fræðslu. Meðaldvalartími eru 4 vikur.

Markmið meðferðar er að:

  • Draga úr verkjum
  • Auka þrek og líkamlega færni
  • Auka hæfni til að lifa sem eðlilegustu lífi þrátt fyrir sjúkdóminn
  • Auka lífsgæði

Megináherslur meðferðar:

  • Líkamsþjálfun sem sniðin er að þörfum hvers og eins ýmist sem einstaklingsmeðferð eða hópmeðferð.
  • Fræðsla um eðli sjúkdómsins og þætti sem geta bætt líðan og aukið færni.
  • Stuðningur til varanlegra lífsstílsbreytinga og hvatning til sjálfshjálpar.

Algengast er að þátttakendur stundi vatnsleikfimi, leikfimi af ýmsum toga, æfingar í tækjum, göngur, heilsuböð og slökun. Læknir metur þörf fyrir sjúkranudd, sjúkraþjálfun, nálarstungur, vaxmeðferð og leirmeðferð.

Fjölbreytt fræðsla er í boði á heilsustofnun.

Á heilsustofnun er starfandi gigtarteymi sem vinnur saman að framkvæmd meðferðar. Í teyminu eru: læknir, hjúkrunarfræðingur, sjúkraþjálfari, sjúkranuddari, íþróttakennari og sjúkraliði. Auk þess koma næringarráðgjafi og sálfræðingur að meðferð eftir þörfum.